Аввалроқ, душанба куни, Россия Федерал Хавфсизлик Хизмати Сущенкони ҳибсга олганлиги ҳақида расмий хабар тарқатган эди. Россиянинг маҳфий хизмати уни Украина ҳарбий разведкасида полковник унвонидаги ходим ва у Москвада маҳфий маълумотларни тўплаш билан шуғулланган, деб ҳисоблайди. Ҳозирда Сущенко "Лефортово" тергов изоляторида сақланмоқда. 1 октябрда суд уни икки ойга ҳибсга олган. Украинанинг Россиядаги консулига мухбир билан учрашишга рухсат беришмаган.
Украина Ташқи Ишлар Вазирлиги Москвада Украина фуқаросининг асоссиз ҳибсга олинишини кескин қоралаган."Укринформ" агентлиги Сущенконинг ҳибсга олинишини "режалаштирилган фитна" деб баҳолаган. Баёнотда айтилишича, Роман Сущенко агентликнинг Франциядаги мухбири ҳисобланади ва у Москвага ўз таътили даврида шахсий ишлари билан келган.
Аввалроқ Сущенконинг ҳибсга олинганлиги ҳақида "Открытая Россия" Москвадаги жамоат кузатуви комиссияси аъзоси, инсон ҳуқуқлари ҳимоячиси Зоя Световага асосланган холда хабар берган эди. Журналист ҳуқуқ ҳимоячиларига 30 сентябр, жума куни ушланганлигини айтган. Унга руҳий тазйиқ ўтказишган ва хотинига телефон қилишга рухсат беришмаган.
Адвокат Николай Полозовга кўра, Украиналик журналистнинг қўлга олинишини ўғирлаб кетиш деб ҳисоблаш керак. "112 Украина" телеканалида Полозов халқаро меъёрлар бузулганлигини айтган, жумладан унинг қариндошлари ва Украина консулига хабар берилмаган. "Кремл мунтазам равишда Украина фуқароларини ўғирлаб, уларга нисбатан қалбаки жиноий ишлар қўзғатиш сиёсатини олиб боряпти", – деди Полозов.
Аввалроқ, душанба куни, Россия Федерал Хавфсизлик Хизмати Сущенкони ҳибсга олганлиги ҳақида расмий хабар тарқатган эди. Россиянинг маҳфий хизмати уни Украина ҳарбий разведкасида полковник унвонидаги ходим ва у Москвада маҳфий маълумотларни тўплаш билан шуғулланган, деб ҳисоблайди. Ҳозирда Сущенко "Лефортово" тергов изоляторида сақланмоқда. 1 октябрда суд уни икки ойга ҳибсга олган. Украинанинг Россиядаги консулига мухбир билан учрашишга рухсат беришмаган.
Украина Ташқи Ишлар Вазирлиги Москвада Украина фуқаросининг асоссиз ҳибсга олинишини кескин қоралаган."Укринформ" агентлиги Сущенконинг ҳибсга олинишини "режалаштирилган фитна" деб баҳолаган. Баёнотда айтилишича, Роман Сущенко агентликнинг Франциядаги мухбири ҳисобланади ва у Москвага ўз таътили даврида шахсий ишлари билан келган.
Аввалроқ Сущенконинг ҳибсга олинганлиги ҳақида "Открытая Россия" Москвадаги жамоат кузатуви комиссияси аъзоси, инсон ҳуқуқлари ҳимоячиси Зоя Световага асосланган холда хабар берган эди. Журналист ҳуқуқ ҳимоячиларига 30 сентябр, жума куни ушланганлигини айтган. Унга руҳий тазйиқ ўтказишган ва хотинига телефон қилишга рухсат беришмаган.
Адвокат Николай Полозовга кўра, Украиналик журналистнинг қўлга олинишини ўғирлаб кетиш деб ҳисоблаш керак. "112 Украина" телеканалида Полозов халқаро меъёрлар бузулганлигини айтган, жумладан унинг қариндошлари ва Украина консулига хабар берилмаган. "Кремл мунтазам равишда Украина фуқароларини ўғирлаб, уларга нисбатан қалбаки жиноий ишлар қўзғатиш сиёсатини олиб боряпти", – деди Полозов.