Қурол ортилган юклар ўтган дам олиш кунлари Ўрта Ер денгизи соҳилидаги Россия ҳарбий-денгиз базаси жойлашган Суриянинг Тартус портига етказиб берилган. Ҳарбий техника хали туширилмаган холда контейнерларда турипти.
С-380 ВМ АҚШ ва унинг иттифоқдошларининг қанотли ракеталарига хавф туғдиради. Улар ўрта ва узоқ масофага учувчи самолет ва баллистик ракеталарга қарши курашиш учун ҳам мўлжалланган.
Уч йил олдин президент Обама мухолифат кучларига қарши кимёвий қурол ишлатгани учун Сурия армияси ҳаво базаларига нисбатан денгиздан учирилувчи "Томагавк" қанотли ракеталарини ишлатиш эҳтимолини кўриб чиққан эди. Россия ўз ҳарбий базаларини ҳимоя қилиш учун Сурияга S-400 ракета-зенит комплексларини ўрнатиб бўлган.
Бир йил аввал, Россиянинг Суриядаги бомбардимонлари бошланганидан сўнг, президент Обама башорат қилиб, Москва Суриядаги фуқаролар уруши ботқоғига ботиб қолади, деган эди, аммо АҚШ Давлат Департаменти яқинда тан олиб айтдики, Россиянинг ҳарбий аралашуви Асад режимини мустаҳкамлаган.