Шунга ўхшаш ноқулайликларни бартараф этиш мақсадида ўтган шанба куни Тошкентда Мустақиллик шоҳкўчасининг баъзи ёпилган участкаларини очиш ишлари бошланиб кетди. Қурилиш техникаси ва ишчилар Мустақиллик кўчаси ва Абдулла Қодирий кўчаларининг кесишмасидаги йўлни асфалт қилишмоқда.
Ушбу йўлнинг очилиши Шаҳрисабз кўчаси томондан Олой бозоригача ҳаракатланадиган автомобиллар оқимини сезиларли даражада камайтиришга хизмат қилади. Яқин кунларда Сайрам кўчасининг 7-тор кўчаси билан кесишадиган ва ўтган йилнинг июл ойида тўсиб қўйилган участкасининг очилиши кутилмоқда.
Бу участкалар президент резиденциясининг атрофида бўлиб, аҳоли ва автомобил эгаларига кўп ноқулайликлар юзага келтирган. Бу участкаларнинг очилиши маҳаллий аҳолининг уйдан иш жойигача бўлган йўлини ва қайтиш йўлини бир неча километрга қисқартириши керак.
Бундан ташқари ўзбек пойтахтида Мустақиллик шоҳкўчаси ва Оққўрғон кўчасининг кесишмасидаги чорраҳанинг очилиши бўйича ишлар бошлаб юборилди. Ўтган йил августида бу ерда қарама-қарши йўналишдаги ҳаракатни чегаралаб турадиган тўсиқлар ўрнатилган эди.