Еуропалық комиссияның вице-президенті Федерика Могерини мен халықаралық әріптестік және даму жөніндегі комиссар Невен Мимица Қазақстан, Қырғызстан, Тәжікстан, Түркіменстан және Өзбекстан СІМ басшыларын күтіп алды.
Кездесуде ЕО және ОА елдері арасындағы қарым-қатынасты дамыту мәселелері талқыланды. Жиында ортақ қауіп-қатерлермен күрес мәселелеріне ерекше назар аударылды.
ЕО Орталық Азия елдерінің тұрақтылығын, қауіпсіздігін және осы аймақтың тұрақты дамығанын қалайды. Осы мақсат үшін 2014-2020 жылдарға қаржылай көмек ретінде 1 млрд евро бөледі.
Форумға қатысушылар 2017 жылы Орталық Азиядағы стратегияның қайта қаралуы ЕО мен ОА арасындағы әріптестікті әрі қарай дамытуға көмектесетініне, онда аймақтағы әрбір елдің ерекшелігі ескерілетініне сенім білдірді.