Ссылки доступа

Қирғизистон парламенти вояга етмаганлар учун Мусулмонча никоҳни ман этди


Юқори Кенгаш депутатлари учинчи ўқишда вояга етмаганлар учун Мусулмон никоҳини ман этувчи қонун лойиҳасини қабул қилишди. Ҳужжат ҚР Оила ва Жиноий кодексига тегишли ўзгартиришларни киритишни кўзда тутади.

Қонун лойиҳасининг ташаббускорларидан Аида Салянова қонун лойиҳаси вояга етмаганлар иштирокида диний одатларга кўра никоҳдан ўтишни муқаддаслаштиришга йўл қўймаслик мақсадида ишлаб чиқилганлигини эслатиб ўтди.

Бундай ўзгартиришлар шунингдек давлат органларида қайд этмасдан туриб никоҳ қилдириш ёки унда иштирок этганлик учун 3 йилдан 5 йилгача озодликдан маҳрум этиш тариқасидаги жиноий жавобгарликни кўзда тутади.

Статистикага кўра, Қирғизистонда 15% қизлар 18 ёшгача , 1% – 15 ёшгача эрга тегишади. Тадқиқот натижаларига биноан эрта никоҳлар кўрсаткичи бўйича Евросиёнинг 35 та мамлакатлари орасида Қирғизистон бешинчи ўринни эгаллайди.

Омбудсмен институтида кўрсатишларича, ҳуқуқий саводхонлик даражасининг пастлиги оқибатида кўпчилик аёллар, айниқса қишлоқ жойларда никоҳнинг расмий қайд этилиши билан Мусулмонча никоҳдан ўтиш одати ўртасидаги фарқни ажратмайдилар. Улар Мусулмонча никоҳдан ўтиш хотин кишига меросга эгалик қилишга ва давлат томонидан моддий ёрдам олиш учун қонуний ҳуқуқ ва асос бермаслигини билишмайди.

XS
SM
MD
LG