Ссылки доступа

Россия АҚШ билан ядро энергетикаси соҳасида ҳамкорликни тўхтатди


Россия АҚШ билан ядро ва энергетика соҳаларида илмий тадқиқотлар ва ишлаб чиқишларда ҳамкорлик борасидаги келишувга амал қилишни тўхтатди. Бу ҳақда Россия ҳукумат сайтида айтилган.

Келишув 2013 йилда имзоланган. У икки мамлакатнинг ядровий хавфсизлик ва ёнилғининг инновацион турларини ишлаб чиқишда ҳамкорлик қилишларини таъминлар эди. Россия ҳукуматидагилар бу хужжатнинг амал қилишини тўхтатилишини АҚШнинг ушбу соҳадаги сиёсати билан боғлиқ, деб тушунтиришяпти.

2014 йилнинг апрелида Вашингтон Россиянинг Украина шарқида юз берган можародаги роли туфайли "Росатом" билан атом энергетикаси борасида бирга ишлашни тўхтатган эди. АҚШ Давлат Департаменти Москванинг ҳамкорликни тўхтатиш ҳақидаги қароридан афсусда эканлигини билдирган.

Душанба куни Россия АҚШ билан плутонийдан фойдаланиш борасидаги келишувга амал қилишни ҳам тўхтатган. Кремлдагиларнинг айтишича, АҚШ қурол-аслаҳа ясашда ишлатишдан ортган плутонийни йўқ қилмаяпти ва унинг яна қайтадан ишлатиш эҳтимолини сақлаб қоляпти.

XS
SM
MD
LG