Вилоят ҳокими Алик Айдарбаевга кўра, ўтган чоршанба куни «Оземунайгаз» компанияси фаоллари ва «Бургылау» корхонаси ўртасида бўлган учрашув натижасида қўшимча келишув тузилган. Унга биноан корхона йил охиригача 34 та қудуқни қазиш ишлари учун олти миллиард тенге (18 миллион доллардан кўп) олади.
— Бу йилнинг охиригача етади. Ишчилар талаб қилаётган меҳнатга ҳақ тўлашнинг ягона тартиби «КазМунайГаз» компаниясининг ички хужжати ҳисобланади. Иш хажмининг ортиши тарифларнинг ҳам ўсишига олиб келади. Ҳисоб-китобларга деярли икки ҳафта вақт кетади. Шундан кейин «Бургылау» ўзининг ҳақ тўлаш тизимини қайта кўриб чиқади, — деди ҳоким.
Ишчилар томонидан сайланган касаба уюшмаси ўз ишини бошлайди, деб қўшиб қўйди у. Ҳокимга кўра, ишчилар томонидан сайланган касаба уюшма раиси Садуакас Беккалиевга суд томонидан унинг харакатланишини шартли равишда чекловчи чора иш берувчи билан тинч келишув орқали хал этилади.
30 сентябр куни «Бургылау» корхонасининг юзлаб ишчилари ишга келишмади. Улар барча нефт ва газ корхоналаридаги каби меҳнатга ҳақ тўлашнинг ягона тартиби асосида ойликларини оширишни, 2014 йилдан 2016 йилгача ортиқча бажарилган ишларга ҳақ тўланишини ва ўзлари сайлаган касаба уюшмаси раисига тазйиқлар ўтказишни бас қилишни талаб қилишган .