Келіссөздер кезінде Лукашенко екі мемлекет арасындағы қарым-қатынасты жақсартудың жолдары көп екенін мәлімдеді.
"Біздің экономика саласындағы әріптестігіміз сәл кенжелеп қалды. Алдағы уақытта - бір, екі, үш жылда - біз екі ел арасындағы азғандай тауар айналымын міндетті түрде ұлғайтамыз", - деді Лукашенко.
Шавкат Мирзияев Беларусь елін "байырғы серіктес" және "дос мемлекет" деп атап, тауар айналымының қазіргі жағдайы тым аз екенін мойындады. "Біз тауар айналымын өсіретін салаларды анықтауымыз керек", - деді ол.
Самарқан қаласында Лукашенко Ислам Кәрімовтің жесірімен кездесіп, көңіл айтты. Сол күні Беларусь басшысы "Хазрат Хизр" зиратына барып, Шахи Зинда ескерткіш кешені жанында орналасқан Ислам Кәрімов зиратына гүл қойды.