Давлат раҳбарлари яқинда бўлиб ўтган юқори даражадаги учрашув доирасида эришилган долзарб масалалар бўйича ўзаро манфаатли савдо ва иқтисодий, инвестицион, транспорт-коммуникация, маданий-гуманитар ва бошқа соҳаларда ҳамкорликнинг боришини муҳокама қилишди.
Томонлар Ўзбекистон ва Қозоғистон делегацияларининг хизмат сафарлари натижаларини ва асосий йўналишлар бўйича муҳим савдо келишувлари имзоланганлигини юқори баҳолашди.
Шавкат Мирзиёев ва Нурсултон Назарбоев минтақавий ва халқаро масалалар юзасидан ҳам ўзаро фикр алмашишди.
Иккала давлат раҳбарлари ўзаро манфаат келтирувчи барча соҳаларда ҳамкорликни янада ривожлантириш, дўстлик ва яхши-қўшничилик алоқаларини келажакда янада мустаҳкамлаш борасида ҳам келишиб олишди.