Ссылки доступа

ҚР Конституцион палатаси қонунга тузатишлар тўғрисидаги қонунда бузилишлар топмади


Олий Суднинг Конституцион палатаси мамлакатнинг Асосий қонунига тузатишлар тўғрисидаги қонун лойиҳаси бўйича ўзининг хулосасини берди. Қарор 11 октябр куни кечқурун қабул қилинган. Қонун лойиҳаси ҚСДП фракциясининг тақдимоти бўйича кўриб чиқилган эди.

Хабар қилинишича, ҳужжат учта асосий жабҳа бўйича кўриб чиқилган. Бу инсоннинг фундаментал ҳуқуқлари ва эркинлиги ва уларнинг йўл қўйилган чекланишлари, демократик, ҳуқуқий, дунёвий давлат тамойиллари, мамлакат Конституциясига ўзгартиришлар киритиш тартиби. Ҳамма учала жабҳа бўйича қарама-қаршиликлар аниқланмади.

Эслатиб ўтамиз, 2016 йил 29 сентябрда Юқори Кенгаш депутатлари биринчи ўқишда “ҚР Конституциясига ўзгартиришлар киритиш тўғрисида”ги Қонун бўйича референдум (халқнинг овоз бериши) тайинлаш тўғрисида” ги Қонун лойиҳасини маъқулладилар. Ҳужжатни қабул қилиш учун 94 та депутат овоз берди, қарши чиққанлар 11 та бўлди.

Қонун лойиҳаси томонидан референдумни тайинлаш, шунингдек тегишли қарорни қабул қилиш ва овоз бериш учун бюллетенга киритиладиган саволларни тайёрлаш кўзда тутилган. Қонуннинг ушбу лойиҳасини 90 та депутат бошлаб беришди. Ҳужжатда референдумнинг ўтказилиш куни деб 2016 йилнинг 11 декабри кўрсатилган.

Бир қатор фуқаро фаоллари ва мухолифатчилар Конституциянинг ўзгартирилишига қарши чиқдилар.

XS
SM
MD
LG