Эслатиб ўтамиз, охирги бир ҳафта мобайнида камида иккита аёл Мухамедиулини жинсий тегажоқлик қилишда айблаган. Санъат академияси битирувчиси Енлик Сидиқованинг ўтган ҳафта Интернетда пайдо бўлган видеоёзувида айтилишича Аристанбек Мухамедиули ректорлик вақтларида ўқишга кирганлиги учун гўёки ундан пул талаб қилган ва тегажоқлик қилган.
Видео ижтимоий тармоқларда қизғин муҳокама қилинмоқда. Театр арбоблари уюшмаси раиси Тунгишбай Жаманкулов ҳам қизнинг тарафини олган. Вазир Аристанбек Мухамедиули Енлик Сидиқованинг айбловига ОАВ орқали муносабат билдириб, уни «бўхтон» деб атаган. Унга кўра, унинг обрўсига путур етказмоқчи бўлганлар қиздан фойдаланган бўлиши мумкин.
Шу ҳафтада Қозоғистоннинг бир нечта ОАВ да Мухамедиули 1990 йилларда раҳбарлик қилган президент оркестрининг собиқ флейтисткаси ҳам уни тегажоқликда айблаяпти, деган хабарлар тарқатилган эди.