Мәліметтерге қарағанда, Павлов тұратын үйдің лифтісінде жарылыс болып, соның салдарынан "Моторола" қайтыс болды, деді "Интерфакс" дереккөзі.
Оның айтуынша, шабуылды "украиналық диверсанттардың барлау тобы" жасаған деген болжам бар. "Моторолаға" биыл маусым айында да қастандық жасалған.
Павлов "ДХР-дың" ең бір қатыгез дала командирлерінің бірі ретінде танымал болды. Ресей азаматын адам құқығын қорғаушылар тұтқынға түскен украиналық жауынгерлерді азаптап, Донецк әуежайының қорғаушысы Игорь Брановицкиді өлтірді деп айыптап келді.
Сепаратистер басшылығы "Мотороланы" "Георгий кресті" (өзін-өзі дербес республика деп жариялаған топтың ең мәртебелі әскери сыйлығы) және "Әскери ерлігі үшін" орденімен марапаттады.