Нұрсұлтан Назарбаев Қазақстан мен Қырғызстанды тарихи бауырластық біріктіріп тұрғанын атап өтті.
"Сіздің еліңіз біздің жақын көршіміз әрі әріптесіміз. Екі ел арасында шешілмеген мәселе болмауы тиіс, достығымыз басқаға үлгі болуы керек. Әлемдегі күрделі саяси және экономикалық жағдайды ескере отырып, біз бірге болуымыз керек", - деді Қазақстан президенті.
Абдылбаев Қырғызстан президенті Алмазбек Атамбаевтың сәлемін жеткізіп, екі жақты әріптестіктің әрі қарай дами беретініне сенетінін жеткізді.