Лойиҳага кўра, 20 километрлик кўприк Хэйлунцзян провинциясининг Хэйхэ шаҳрини россиянинг Благовещенск шаҳри билан боғлаши керак. Хитой кўприкнинг учдан бир қисмини, Россия эса унинг учдан икки қисмини қуриш мажбуриятларини олишган. Россия муҳандисларига кўприкнинг иккала секциясини бирлаштириш вазифаси юклатилган.
Хэйлунцзян провинцияси ҳокимиятидан айтишларича, кўприкнинг лойиҳа бўйича қуввати йилига уч миллиондан ортиқ юк ва бир ярим миллионга яқин одам. Кўприкни ишга тушириш 2019 йил октябрга режалаштирилган. Баъзи экспертлар, чегаралараро савдо инфраструктурасини ривожлантиришнинг зарурлигига қарамасдан, Москва ва Пекин ўртасидаги ўзаро ишончсизлик муҳитини ҳисобга олган холда кўприкнинг қурилиши белгиланган график бўйича кетишига шубҳа билдиришмоқда.
Россия Қримнинг аннексия қилиниши ва унинг Украина шарқидаги можароларда иштирок этиши ортидан Ғарб томонидан киритилган санкциялар остида қолган ва шу сабаб у Хитойга экспорт қилиш йўлларини ривожлантиришдан манфаатдор. Пекин ҳам ўзининг иқтисодий ўсишини таъминлаш мақсадида россиянинг энергоресурслари ва ҳом ашёларини олишдан манфаатдор.
Бундан бошқа қўшма инфраструктура лойиҳалари тўхтатилган бир пайтда, Амур устидан қуриладиган қиймати 355,6 миллион долларга тенг кўприкнинг муддати кечиктирилиши ҳам мумкин.