Ссылки доступа

АҚШ Сурия мухолифатига ПЗРК бермоқчи эмас


Давлат департаменти вакили Марк Тонер 27 декабр кунги матбуот анжуманида айтишича, АҚШнинг суриядаги исёнчиларни кўчувчи зенит-ракета комплекслари билан таъминлаш режаси йўқ.

Ушбу баёнот Россия АҚШни сурия мухолифатига ПЗРК етказиб берганликда айблаб, бу қурол жиҳодчилар қўлига тушишидан ҳавотирда эканлигини айтганидан сўнг қилинди.

Тонернинг сўзларига қараганда, бу АҚШга нисбатан қўйилаётган янги айблов эмас, бироқ ҳақиқат шуки, АҚШ сурия мухолифатига ҳеч қандай ПЗРК ёки шунга ўхшаш қурол етказиб бераётгани йўқ.

"Биз аввал ҳам бу каби фикрлар ва риторикани эшитганмиз. Бизнинг ПЗРК бўйича позициямиз ўзгармаган. Агар бу тоифадаги қурол Сурияга етиб боргудек бўлса, биз бундан жуда ҳам кучли ҳавотир олган бўлар эдик," - деди Давлат департаменти матбуот хизматининг вакили.

Аввалроқ, Россия ТИВ, Барак Обама томонидан 23 декабрда имзоланган қонунда белгиланганидек Суриядаги ҳукуматга қарши курашаётган отрядларни қуроллар, жумладан ПЗРК, билан таъминлашга рухсат бериш Суриядаги вазиятнинг янада кескинлашувига ва янги қурбонларга олиб келиши мумкинлигини айтган эди.

XS
SM
MD
LG