Ссылки доступа

ҚР президенти Конституцияга ўзгартиришлар киритиш тўғрисидаги қонунни имзолади


Президент Алмазбек Атамбоев 2016 йил 11 декабрида референдум (халқнинг овоз бериши) натижасида қабул қилинган “Қирғизистон Республикаси Конституциясига ўзгартиришлар киритиш тўғрисида”ги қонунни имзолади. Бу тўғрисида президент матбуот хизмати хабар қилади.

Қонун расмий равишда эълон қилинганидан кейин ўн беш кун ўтгач, яъни 2017 йил 15 январидан бошлаб кучга киради. 2017 йил 1 декабридан кучга кирадиган 70,72,75,81 ва 87 моддаларга киритиладиган ўзгаришлар бундан мустаснодир.

Маълум қилинишича, референдумда қабул қилинган Конституцияга ўзгартиришлар мустақиллик ва суверенитетни, парламентаризмни мустаҳкамлашга, ҳокимиятнинг қонунчилик ва ижрочилик бўғинлари ўртасидаги ўзаро муносабатни аниқлашга, суд ислоҳотини давом эттириш ва ҳуқуқни муҳофаза қилувчи органлар ислоҳотини давом эттириш учун конституцион асосларни мукаммаллаштиришга қаратилган.

XS
SM
MD
LG