«Менинг акам Совет Иттифоқи парчаланиб кетганидан кейин Ўзбекистонга кўчиб борган эди, у ерда битта шаҳарчада яшади ва оддий ўқитувчи бўлиб ишлади. Биласизми, мен уни деярли 14 йил кўрмадим», – деди Атамбоев 24 декабрда Самарқандда бўлиб ўтган учрашувда.
«Айнан сиз менга уни, мен эслашимча, Тошкентдаги меҳмонхонага олиб келгансиз. Мен марҳум акамни эслаганимда, мен уни узоқ айрилиқдан кейин уни менга ким олиб келганини, унга ким ёрдам берганини эслайман, чунки у Ўзбекистон фуқароси бўлган», – деб маълум қилди Қирғизистон президенти.
Президент Атамбоев гапларига қараганда, 2007 йилда иккала президент ўз мамлакатларининг бош вазирлари бўлишган. «Мен ўртамизда ҳақиқий қардошларча дўстлик бўлиши ва мамлакатларимиз ўртасида ҳақиқий қардошларча муносабатлар бўлиши лозимлигини айтиб ўтганман», – деб таъкидлади у.
Икки мамлакат раҳбарларининг музокаралари Самарқанддаги “Форумлар мажмуаси” Саройида бўлиб ўтди. Давлат раҳбарлари сиёсий мулоқотни бундан кейинги ривожлантириш ва иқтисодий муносабатларни кенгайтириш масалаларини муҳокама қилдилар, ўзаро қизиқишни ифодалайдиган ҳудудий ва халқаро характердаги бир қатор муаммолар борасида фикр алмашдилар.