Ссылки доступа

Трамп Исроилни унинг инаугурациясигача "чидаб туришга" чақирди


АҚШнинг сайланган президенти Дональд Трамп, Исроилга нисбатан ҳурматсизликка йўл қўймаслигини айтди. Ўзининг твиттерида Трамп Исроилни унинг 2017 йил 20 январга беогиланган инаугурациясигача "чидаб туришга" чақирди.

Трампнинг айтишича, АҚШ Исроил учун ҳамиша "аъло даражадаги дўст" бўлган, бироқ Тел-Авив Эрон билан эришилган ядровий келишувни танқид қилганидан сўнг вазият ўзгарди. Шу йилнинг 16 январида Теҳроннинг ядровий қурол ишлаб чиқаришга харакат қилаётганидан гумон қилиб сўнги йилларда киритилган санкциялар бекор қилинган эди.​

Исроил бош вазири Беньямин Нетаньяху ўз жавобида Трампни "Исроилга нисбатан илиқ дўстлик ва аниқ қўллаб-қувватлаш учун​" миннатдорчилик билдирган.

БМТ Ҳавфсизлик Кенгаши 23 декабрда Исроилдан фаластин ҳудудларида яҳудийлар учун уйлар қуришни тўхтатишини талаб қилувчи резолюция қабул қилган. Бу хужжатни қўллаб Кенгашнинг 14 аъзо мамлакати овоз берган, АҚШ бетараф қолган. Вашингтон кўп йиллар ичида биринчи марта Исроилга қарши хужжатни блокировка қилмаган. Ўшанда Нетаньяху АҚШ маъмуриятини фаластинликлар билан маҳфий тил бириктирганликда айблаб кескин гапирган эди.

XS
SM
MD
LG