1 январдан ўз лавозимига киришадиган Гутерришнинг 28 декабр куни айтишича, у "имкон қадар тез муддат ичида Трамп билан конструктив мулоқотни йўлга қўйиш ниятида".
"Уни иложи борича тезроқ бориб кўришдан албатта мен манфаатдорман," - деди у. "Қўшма Штатлар БМТнинг нафақат асосий донори ҳисобланади, балки ташкилот фаолиятидаги асосий элементлардан биридир".
Трамп 28 декабр куни, АҚШ томонидан БМТни молиялашдан у ташкилот фаолиятидада жиддий ўзгаришлар амалга ошириш йўлида восита сифатида фойдаланишини айтган. Шу билан бирга Трамп қандай ўзгаришларни назарда тутганлигини аниқлаштирмаган.
Трампнинг айтишича, БМТнинг ўзи ишлатмаётган имконияти жуда кенг. "БМТ муаммоларни хал қилганини қачон кўргансиз? Улар хал қилишмаяпти. Улар муаммо туғдиришяпти," - деди сайланган президент. Унинг гапларига қараганда, агар БМТ фаолияти реформа қилинмаса, бу вақт ва пулнинг бекорга сарфланиши бўлади. Трамп 20 январда ўз лавозимига киришганидан сўнг БМТда ўзгаришлар бўлади деб бир неча марта айтган.