Ссылки доступа

Бишкек турк ОАВ ларидан Машрапов тўғрисидаги ахборотнинг рад этилишини талаб қилмоқда


ҚР Давлат Миллий хавфсизлик Қўмитаси 1 январга ўтар кечаси Истамбулда юз берган терактга алоқадорлик бўйича тахминлар билан паспорт фотоси эълон қилинган мамлакат фуқаросини бошқа гумондор эмаслигини хабар қилди. Уларнинг маълумотларига кўра, бу вақтда Яҳё Машрапов Қирғизистонда бўлган ва ДМХҚ да сўроқ қилинганидан кейин қўйиб юборилган эди.

Истамбулдаги қирғиз консуллиги бир қатор турк ОАВ ларидан қирғиз фуқароси Яҳё Машрапов гўёки “Reina” тунги клубига уюштирилган ҳужумга алоқаси борлиги тўғрисидаги ахборотнинг рад этилишини талаб қилди. Консуллик ходимларининг хабар қилишича, улар «TRT World», «Йени Шафак» ва «Хурриет» билан боғланишган , уларни Қирғизистон фуқароси тўғрисидаги ахборотни рад қилишга ва кечирим сўрашга даъват этишган.

Аввалроқ, турк ОАВ лари полиция манбаларига ҳавола қилган ҳолда ҳужумни уюштирган шахс тахминан Ўзбекистон ёки Қирғизистон фуқароси эканлигини хабар қилишган эди. Кейинчалик тармоқда ҳужумни уюштиришда гумон қилинаётган Қирғизистон фуқароси Машрапов паспортининг фотосурати пайдо бўлган эди.

Кечаси соат бирларда номаълум шахс Истамбулнинг Ортакой районидаги Reina клубига кираверишда полициячини ўлдириб кетган, сўнгра кириб келаётган Янги йилни нишонлаётган тунги клубга ташриф буюрганларга қаратиб ўт очган. 39 та одам ҳалок бўлган, 69 таси яраланган.

XS
SM
MD
LG