Унинг таъкидлашича, можаро зонасида ўт очишнинг “тўла қонли” тўхталиши Донецк ва Луганск вилоятларининг айрим туманларида адолатли ва эркин сайловларнинг амалга оширилиши учун асос бўлиб хизмат қилади.
Украина ТИВ раҳбари Павел Климкин кўрсатиб ўтганидек, ЕХҲТ миссиясининг кузатувчиларига “Донбасснинг оккупация қилинган ҳудудларига, чегаранинг назорат қилинмайдиган жойларига тўлиқ кириб бориш” имкониятини яратиб бериш зарур. Шунингдек Климкиннинг фикрича, Минск келишувларининг бажарилишига эришиш учун Россияга нисбатан санкцияларни кучайтириш лозим бўлади.
Бу ҳудудга ЕХҲТ нинг полиция миссиясини киритиш борасидаги журналистларнинг саволларига жавоб берар экан, Себастьян Курц ташкилотнинг имкониятларини реал баҳолашга даъват этди ва бунда унинг таркибига 57 та аъзо мамлакат киришини ва бундай қарорлар биргаликда қабул қилиниши лозимлигини эслатиб ўтди.
Аввалроқ Киевда Донбассдаги маҳаллий сайловларни амалга оширгунча (бу ҳолат Украина шарқидаги можарони тартибга солиш бўйича Минск келишувларининг битта шартларидан биридир) украина-россия чегараси участкасидаги назоратни ЕХҲТ нинг қуролли миссияси, сайловдан кейин икки кун ўтгач эса – украина ҳарбийлари ўз бўйнига олиши зарурлигини маълум қилишган эди. Сепаратистлар вакиллари Донбассга ЕХҲТ нинг полиция миссиясининг киритилишига қарши чиқишди ва бу ҳолатда Донецк ва Луганскда кўп мингли норозилик намойишлари уюштириш билан қўрқитишди.