Эътилофи ҳукмрони маҷлиси шаҳрии Бишкек номзадии Албек Иброҳимов, шаҳрдори кунунии пойтахти Қирғизистон ва ҷиноҳи мухолифи "Онугуу-Прогресс" номзадии Нуриддин Абдилдаевро пешниҳод кардаанд. Сооронбой Жээнбеков, сарвазири Қирғизистон тасмим гирифтааст, аз ҳаққаш барои пешбарии номзад истифода накунад.
Тибқи қонунҳои амалкунандаи Қирғизистон, шаҳрдори Бишкекро вакилони маҷлиси шаҳрӣ аз роҳи раъйдиҳии пӯшида интихоб мекунанд. Интихобот дар сурате баргузоршуда эълон мешавад, ки аз се ду ҳиссаи вакилон ширкат варзанд.