Ҳар йили тузиладиган рўйхатга дунёдаги энг йирик сиёсат ва жамоат арбоблари ҳамда нодавлат ташкилотлар киритилади.
2016 йилдаги рейтингга Ўзбекистоннинг биринчи президенти Ислом Каримов ва амалдаги президент Шавкат Мирзиёевлар киритилди. Рўйхат тузувчиларининг таъкидлашича, “буюк давлат ва сиёсат арбоби Ислом Каримов янги мустақил давлатнинг асосчиси бўлган ҳамда Ўзбекистоннинг Собиқ Иттифоқ парчаланиб кетганидан сўнг оёққа туришида катта ўрин тутган”.
CIDOB мутахассисларининг таъкидлашича, Ўзбекистоннинг бош вазири Шавкат Мирзиёев сўнгги президентлик сайловларида 90 фоизга яқин овоз тўплаб, ишончли ғалаба қозонди. Испаниялик шарҳчиларнинг фикрича, Мирзиёев президентлигида Ўзбекистон ташқи сиёсатида янги ўзгаришларни кутиш мумкин.
Бошқа раҳбарлардан бу рўйхатга Кубанинг вафот этган раҳбари Фидел Кастро, ҳамда АҚШнинг сайланган президенти Дональд Трамп киритилган.