Ўзбекистоннинг янги президенти Шавкат Мирзиёев ишлайдиган бино Тошкентнинг марказида, Шароф Рашидов ва Бешёғоч кўчаларининг орасида жойлашади. Маҳаллий ОАВ маълумотларига кўра, унинг қурилиши 5 январда бошланди.
Мирзиёев яқин атрофдаги Ўзбекистоннинг биринчи президенти Ислом Каримов ишлаган “Оқ Уй” резиденциясини эгаллаб ўтирмади. Маҳаллий ОАВ хабар қилишича, у ерда марҳум раҳбарнинг Музейи жойлашади. Мирзиёевнинг иш ўрни шундоққина “Оқ Уй”нинг орқасидаги ҳудудда, президент аппаратида “хўжалик ҳовлиси” номини олган жойда қад кўтаради.
ОАВ ахборотига кўра, ўзбек давлатининг янги раҳбари шунингдек Каримов яшаб ўтган “Дўрмон” ва “Кўк сарой” («Зеленый дворец») резиденцияларини ҳам эгалламасликка қарор қилган. Унинг учун Тошкентдаги Буюк Ипак Йўли кўчасида 1,2,3 ҳукумат стационарларига яқин ерда ва халқ орасида “нулевка” номини олган жойда алоҳида резиденциянинг қурилиши бошлаб юборилди.
Ҳозирги вақтда президент Мирзиёев Тошкентнинг Мустақиллиқ майдонидаги Олий Мажлис Сенати (парламент) биносининг иккинчи қаватида ташкил этилган хонадан туриб мамлакатни бошқармоқда.