Ссылки доступа

Трамп ОАВга ишонмагани учун Twitterдан фойдаланади


Fox Newsга 18 январда берган интервьюсида Трамп ОАВга ишонмагани учун Twitter дан фойдаланишни давом эттиришини ва ўзининг аккаунтида – одатда эрталаб расмий баённомалар бериш ва шахсий изоҳлар қолдириш учун бир кунда бир нечтадан хабар эълон қилишини маълум қилди.

АҚШнинг сайланган президенти Дональд Трамп ўзининг нуқтаи назарини аудиторияга етказиш учун кўпинча Twitterдан фойдаланиб келади ва унга аслида twit –хабарлар ёзиш ёқмаслигини билдирди.

«Мен twitлар қилишни ёқтирмайман. Менинг бундан муҳимроқ бошқа ишларим бор, - деди Twitter’ даги фолловерлари сони 20 миллиондан ортиқ бўлган Трамп. – Бироқ мен жуда ҳалол бўлмаган ОАВ билан, жуда ҳалол бўлмаган матбуот билан иш кўришимга тўғри келади. Бу менинг ягона қарши ҳаракат қилиш усулимдир».

Трамп Fox News га берган интервьюсида ОАВларнинг Оқ Уйнинг ичидан матбуот корпусини бошқа жойга кўчириш режасига қаттиқ норозилик билдиришгани туфайли бу режадан воз кечганини хабар қилди

«Матбуот ақлдан озган. Мен келинглар кўчирмайлик деб айтдим. Бироқ ОАВ даги баъзи одамлар [Оқ Уйга] кира олмайдилар», - деди Трамп. "Ичкарига киришни истайдиганлар кўп, биз шунчаки келажакда Оқ Уйдаги матбуот брифингларида қатнашиши мумкин бўлган одамларни танлаб олишимиз керак," - деди АҚШнинг сайланган президенти.

XS
SM
MD
LG