Таркиш шаби 22 май - билофосила баъди анҷоми сурудхонии ситораи попи амрикоӣ Ариана Гранде рух дод. Анбуҳи мухлисонро ҳарос фаро гирифт.
Ашёи шубҳанокеро, ки баъди таркиш дар наздикии вокзали Виктория пайдо шуд, пулис тарконид. Аммо маълум шуд, ки он ашё бомба набудааст. Сокинон аз минтақаи хатарнок кӯч дода ва ҳаракати қаторҳо манъ шуд.
Сарвазири Бритониё Тереза Мэй ба наздикони қурбоншудаҳо изҳори ҳамдардӣ кард. Дар робита ба ин фоҷиа ҳизби муҳофизакори Мэй ва дигар ҳизбҳои сиёсӣ маъракаи таблиғи интихоботиро қатъ карданд.
Теракти Манчестер баъди таркишҳои метрои Лондон дар соли 2005, ки 52 қурбонӣ дошт, бузургтарин таркиш унвон мешавад.