Германиянинг DHL команияси ваколатхонаси ходимларидан бирининг айтишича, 1 июндан бошлаб фуқароларнинг мактубларини етказиб бериш тақиқланди. «Кеча биз Тожикистон ҳукумати ҳузуридаги Алоқа Хизматидан огоҳлантириш олдик, унда расман қайта рўйҳатдан ўтмагунича компания фаолияти тўхтатилгани айтилади», деди ходим.
Тожикистон Алоқа Хизмати ходими Илҳом Атоевнинг хабар қилишича, бу компаниялар фаолиятининг тўхтатилишига «Алоҳида олинган фаолиятларнинг лицензиялаш тўғрисида»ги қонуннинг кучга кириши сабаб бўлган. Бу қонунга кўра, почта хизматларини кўрсатиш учун лицензия олиниши керак бўлади. «Қонунга ҳамма итоат этиши керак. Бу компаниялар лицензия олиш учун Алоқа Xизматига мурожаат қилишлари мумкин», - деди Илҳом Атоев.
Қонунга кўра, лицензия Тожикистон ҳукумати ҳузуридаги Алоқа Хизмати томонидан берилади. Бундан аввал почта хизмати кўрсатилиши учун лицензия талаб қилинмасди.