Ссылки доступа

Макроннинг Ҳаракати парламентдаги мутлоқ кўп ўринларга даъвогарлик қилмоқда


Франция президенти Эммануэл Макроннинг «Олға, республика» Ҳаракати парламентга бўлиб ўтган сайлов натижаларига қараганда, Миллий Ассамблеядаги мутлоқ кўп ўринларни – 577та ўриндан 400 дан ортиғини эгаллаши мумкин.

Якшанба куни бўлиб ўтган сайловларнинг биринчи босқичи натижаларини ўрганган социологлар шу башоратни илгари сурмоқда. Мамлакаат бўйлаб Макрон Ҳаракати ва иттифоқчилари овозларнинг 32 фоизидан кўпроғини қўлга киритди. Бу – асосий рақиблари бўлмиш ҳукмрон «Республикачилар»дан салкам икки баробар кўпдир.

Францияда сайловлар партия рўйҳати бўйича эмас, балки мажоритар тизим бўйича ўтказилади. Иккинчи босқич сайловларда «Олға, республика» Ҳаракатининг номзодлари 400 дан ортиқ округда куч синашади. Кузатувчиларнинг фикрича, бу округларнинг кўпчилигида улар ғалаба қозониши аниқ. «Республика»чилар эса иккинчи ўринда турадиган фракцияни шакллантиришади. Ўта ўнг «Миллий фронт» партияси атиги 14 фоиз овоз олиб, мағлубиятга учради. Бироқ унинг раҳбари Марин Ле Пен округлардан бирида ғалаба қозониш имкониятларини сақлаб турибди. Парламентнинг ўтган чақириғида кўпчиликни ташкил қилган социалистлар жуда ҳам кам овоз олди. Улар ўта сўл «Бўйсинмас Франция» Ҳаракати сингари парламентга бир неча ўн номзодларни олиб кириш имкониятига эга.

Сайловларнинг биринчи босқичида сайловчилар жуда ҳам кам бўлди. Сайловларда овоз бериш ҳуқуқига эга сайловчиларнинг 50 фоизи иштирок этди. Сайловларнинг иккинчи босқичи 18 июнда бўлиб ўтади.

XS
SM
MD
LG