13 июнь куни ҳукуматнинг чақириғига кўра Бухарестга келган минглаб шахтёрлар билан тўқнашув тўрт нафар фаолнинг ўлими ва мингдан ортиқ одамнинг яраланишига олиб келган эди. Руминия пойтахтининг кўчаларидаги қон тўкилиши 1990 йил 13 июндан 15 июнгача давом этганди.
Бухарестдаги воқеалар ёшлар ва талабаларнинг 22 апрель куни Университет майдонида бошланган, узоқ давом этган кўча намойишига чек қўйган эди. 53 кун давомида майдонда “комммунист эмаслар”га қарши норозилик билдираётган минглаб шаҳарликлар тўпланган. Талабалар Ион Илиескуни демократик бошқарув меъёрларини бузганликда айблашган.
1989 йил декабрда Илиеску ва бир гуруҳ сафдошлари “инқилобий тўнтариш” ва президент Николае Чаушеску ҳамда унинг хотини Еленани ўлдириш натижасида ҳукумат тепасига келган эди.
Ион Илиеску ва Петре Роман Бухарестдаги ҳукуматга қарши намойишни тарқатиб юбориш ва бостириш учун жавобгарликларини тан олишдан бош тортмоқда. Суд санаси ҳозирча эълон қилинмаган. Шуниси маълумки, судланувчилар орасида Руминия хавфсизлик хизматининг ўша пайтдаги бошлиғи Вирджил Мэгуряну ҳам бўлади.