Ссылки доступа

Душанбедаги аттракциондан 10 киши йиқилиб тушди


13 июнь куни кечқурун Давлат герби (Миллат саройи қаршисида) дам олиш боғидаги аттракционда юз берган фавқулотда вазият натижасида 10 киши баландликдан қулаб тушди. Одамлар турли даражали жароҳат олди.

Миллий Тиббиёт маркази (Караболо)даги манбанинг сўзларига қараганда, жароҳат олганларнинг ҳаммаси сешанба куни кечқурун шифохонага ётқизилди. Уларнинг оёқ ва қўллари сингани, бошидан жароҳат олгани айтилмоқда.

Пойтахтнинг Исмоил Сомони туман прокуратурасидаги манбанинг айтишича, айни дамда юз берган ҳодиса муносабати билан тергов ишлари олиб борилмоқда ва ўз ишига совуққонлик билан муносабатда бўлган шахслар жавобгарликка тортилади.

Ҳодиса гувоҳларининг айтишиларича, «Кема» аттракционига меъёрдан кўп, яъни 24 киши киритилган. Аттракцион қурилмаси оғир юкка дош беролмаган ва синиб кетган. Жабрдийдаларнинг ҳаммаси Тожикистон ва Филиппин ўртасида Миллий стадионда бўлиб ўтган футбол мусобақаларидан кейин паркка кирган ёшлар эди.

Парк ходимларинг айтишича, Хитойдан олиб келинган аттракцион атиги 20 кун аввал ўрнатилган эди.

XS
SM
MD
LG