Ссылки доступа

Путин: Орусия жакынкы үч жылда коргонуу чыгымдарын азайтат


Владимир Путин жакынкы үч жыл аралыгында Орусия коргонуу чыгымдарын 2,8 % кыскартууну пландап жатканын билдирди. РИА Новости кабарлагандай, кинорежиссер Оливер Стоунга берген маегинде Путин армия чыгымдары ички дүң өнүмдүн үч пайыздан ашыгын түзгөнүн билдирген. “Бул ансыз да көп” деген Путин.

Дүйнөдөгү тынчтыкты иликтөө боюнча Стокгольм институтунун (SIPRI) эсеби боюнча 2016-жылы Орусиянын аскердик чыгымдары 7,7 % – 66 миллиард долларга чейин көбөйгөн.

Бул өлкөнүн Сириядагы аскердик кампаниясы жана Европа чек арасындагы аскер күчтөрүн кеңейтүүсүнө байланыштуу. Муну менен Орусия аскер чыгымдары боюнча Сауд Арабиясынан озуп, дүйнөдө үчүнчү орунга чыкты. Биринчи жана экинчи сапты АКШ менен Кытай ээлейт. РБКнын маалыматы боюнча, 2015-жылдын 30-сентябрынан 2016-жылдын 30-сентябрына чейин Сириядагы аскердик аракеттери үчүн Орусия 58 миллиард рубль короткон.

Оливер Стоундун "Путин менен маек" аттуу даректүү берүүсү америкалык Showtime кабелдик каналынан чыгат.

XS
SM
MD
LG