Ссылки доступа

Трамп ўзининг ҳатти-ҳаракати тергов қилиниши тўғрисидаги хабардан ғазабланди


АҚШ Президенти Дональд Трамп ФТБ директори Жеймс Комининг ишдан бўшатилиши бўйича ўзининг ҳаракати қонунийлиги юзасидан тергов олиб борилаётганидан жуда ҳам таажжубга тушганини айтиди. Ўзининг твиттерида у вазиятни «Америка тарихидаги энг йирик жодугар ови» сифатида баҳолади.

Аввалига "Россия билан тил бириктириш борасида исбот топишга интилишди, ҳеч нарса топиша олмагач, энди одил судловга қаршилик кўрсатиш аломатларни қидиришга тушиб кетишди», деб ёздиТрамп.

Шу тариқа у The Washington Post газетасида босилган мақолага ўз муносабатини билдирди. Мақолада махсус прокурор Роберт Мюллер президентнинг ФТБ директори Комининг ишдан бўшатилиши қонунга нечоғлик тўғри келишини ўрганаётгани таъкидланади.

Ўз вақтида ФТБга раҳбарлик қилган Роберт Мюллер яқинда Адлия вазири томонидан махсус прокурор лавозимига тасдиқланган эди. У Оқ уй маъмуриятидан мустақил равишда Америка сайловларига Россиянинг аралашуви ва Трампнинг 2016 йил сайлов штаби аъзоларининг россияликлар билан алоқаларини ўрганмоқда. Прокурорга кенг ваколатлар, жумладан, асосли бўлса, президентнинг ҳатти-ҳаракатларини тергов қилиш ҳуқуқи берилган.

Жеймс Коми ўтган ҳафтада Сенатда бўлиб ўтган эшитувларда ўзининг ишдан бўшатилиши президент Трампнинг АҚШ сайловларига Россиянинг аралашуи ФТБ томонидан ўрганилишига норозилик сифатида амалга оширилганига ишонишини таъкидлаган эди.

XS
SM
MD
LG