Түркіменстан астанасының басты сауда орталығы - "Гүлістанда" көкөніс бағасы тағы көтерілген. Сүт өнімдерінің бағасы шарықтап кетті.
Заң бойынша, етті мемлекет белгілеген 17.80 манаттан (шамамен 5 доллар) асыруға болмайды. Бірақ, жергілікті тұрғындардың айтуларынша, етті 20 манаттан (шамамен 6 доллар) төмен бағаға іздеп табу мүмкін емес.
Соңғы айларда сатып алушылардың да азайғаны байқалады. Оған бағаның қымбаттауы мен жалақының үнемі кешіктірілуі себеп болған. Тауарға сұраныс тым төмендеп кеткен соң, "Гүлістан" базарында саудагерлер қатарының сирегенін көруге болады.