Президент ЗАГСдан ўтмаган ҳолда шаръий никоҳ ўқиган муллалар, улар валломат бўлса ҳам жиноий жазо берилишини айтган.Унинг гаплари ёзилган видео Youtube'да катта баҳсларга сабаб бўлди. Бундан ташқари, BBCнинг ўзбек xизмати сайтида видео ҳам оммабоп бўлмоқда.
"Охирги пайтларда яширинча шаръий никоҳ ўқитиш, хотин устига хотин олиш ҳолатлари ҳам минг афсус кўп учраб турибди. Бу иллат жуда авжига олаяпти. Билмайман қаердан пайдо бўлди, Тошкент шаҳри биринчи ўринда. Ахир тегишли давлат идорасида қонуний қайд этилмаган никоҳдан иккинчи xотиндан туғилган фарзандларнинг тақдири келажаги эртага нима бўлади? Ҳурматли имомлар, бундай болаларнинг муаммолари сизнинг виждонизда", - деган Мирзиёев.
Ўзбекистон Президенти ЗАГС рўйхатидан ўтмаган жуфтликка шаръий никоҳ ўқиган муллаларни жиноий жазога тортиш бўйича қонун лойиҳаси ишлаб чиқарилаётганини маълум қилган.