Бундан аввал Трамп ўзинингTwitter’даги саҳифасида ФТБ директори Жеймс Комининг ишдан бўшатилиши билан боғлиқ ҳодиса юзасидан ўзига нисбатан тергов олиб борилаётганини маълум қилган эди.
Секулоу берган баёнотга қараганда, президентнинг изоҳи Washington Post газетасида эълон қилинган мақолага жавоб бўлган. Нашр ФТБ директори Жеймс Коми ишдан бўшатилганидан кейин тергов ишлари бошлаб юборилганини маълум қилган эди. Трамп ўзига нисбатан тергов олиб борилаётганидан ғазабланган эди.
АҚШ Конгрессида ўтган йилги Америка президентлиги сайловларига Россиянинг эҳтимолий аралашгани юзасидан тергов ишлари давом этмоқда. Шу каби тергов ФТБ томонидан ҳам олиб борилмоқда. Шунингдек, бу иш бўйича маъмуриятдан мустақил равишда яна битта тергов бошланган. Унга махсус прокурор Роберт Мюллер раҳбарлик қилмоқда. Унга, асос бўлган тақдирда президент ҳаракатларини тергов қилиш ҳуқуқи ҳам берилган.