Ссылки доступа

Казакстан менен Өзбекстан чек арадагы өткөрмө бекеттерин кеңейтүүдө


Казакстан парламентинин Сенаты бейшембидеги пленардык жыйынында Өзбекстан менен түзүлгөн өкмөттөр аралык макулдашуу боюнча протоколду ратификациялоо тууралуу мыйзамды кабыл алды. Ага ылайык, казак-өзбек чек арасындагы өткөрмө бекеттердин тейлөө мүмкүндүгү кеңейтилет. Бул тууралуу жергиликтүү ММКлар билдиришти.

Протоколго ылайык, чек арадан он чакты чакырым алыста жайгашкан Бейнеу станциясындагы темир жол бекети чек арадан эки чакырым алыстыктагы Оазис станциясына көчүрүлөт. Андан сырткары Целинный жана Сырдарья деп аталган жаңы эки автоунаа өткөрмө бекети ачылып, эки тараптуу режимде иштеген Атамекен, Казыгурт жана Капланбек бекеттери көп тараптуу кылып өзгөртүлөт.

Протолдо транзит бекеттери аркылуу бараткан Өзбекстан жарандарынын жөнөкөйлөтүлгөн режимде өткөрүү мүмкүндүгү дагы каралган. Ошондой эле чек араны кесип өткөндүгү тууралуу белгилер паспортторго эмес, атайын миграциялык карталарга коюлат деп күтүлүүдө. Бирок мындай транзит коммерциялык жүгү жок жеңил унаалар үчүн гана иштейт.

Мыйзам Сенаттын жактыруусунан кийин президенттин кол коюусуна жөнөтүлдү.

XS
SM
MD
LG