Агентлик тарқатган хабарга кўра, Манафортнинг кўрсатмаси фақат 2016 йилнинг июнь ойида россиялик адвокат Наталья Весельницкая билан учрашувига қаратилди. Манафорт сенат қўмитасига қўшимча интервью беришга рози бўлди.
Бундан аввал, сешанба куни, Сенатнинг юридик қўмитаси 2016 йилги президентлик сайлов компанияси даврида Россиянинг ҳатти-ҳаракатларини текширш юзасидан эшитувлар давом этаётгани сабаб кўрсатма бериш учун Манафортга чақирув қоғози юборди.
Манафорт ўтган йилги АҚШдаги президентлик сайловларига Россиянинг аралашувини тергов қилишда асосий фигуралардан бири ҳисобланади. 2016 йилнинг июнида Манафорт президентликка номзод Трампнинг штабига бошчилик қилган ва кичик Дональд Трампнинг россиялик юрист Наталья Весельницкая билан бўлиб ўтган учрашувида иштирок этган эди. Ўша йилнинг август ойи ўрталарида Манафорт ўз лавозимидан кетишга мажбур бўлди. Бунга унинг Украина собиқ президенти Виктор Янукович билан сиёсий ва амалий алоқалари тўғрисидаги тафсилотлар ойдинлашгани сабаб бўлди.