– Тилекке каршы, Өзбекстан менен чектеш райондордо электр өткөрүү линиялары иштен чыкты, буга байланыштуу айрым тилкелерде жана көмөк чордондордо ремонт иштерин жүргүзүү зарыл, - деди ал.
Министрдин айтымында, “Барки Точик” холдингинин адистери “Регар” көмөк чордонун текшерип, кемчиликтерди жоюу иштерин жүргүзүштү. Өзбек энергетиктери жакын арада Сурхандарья аймагындагы он жыл мурун бузулган электр өткөрүү линияларын оңдоого убада берди. Дүйшөмбү менен Ташкент Өзбекстан менен чектеш Хатлон жана Согди облусундагы электр линияларын калыбына келтирүүгө макулдашты.
Расмий маалыматтар боюнча Тажикстан жай мезгилинде коңшу өлкөлөргө 5 млрд. кВт электр кубатын экспорттоого кудуреттүү.
Жыл башында Азия өнүктүрүү банкы Борбор Азия өлкөлөрүнө аймакта бирдиктүү энергосистеманы калыбына келтирүү боюнча диалог өткөрүүнү сунуштаган.