Ўзбекистон эркин иқтисодий зоналаридан бири ҳудудида болалар ўйинчоқларини ишлаб чиқариш бўйича ўзбек-хитой қўшма корхонаси ташкил этилади. Хитой томонидан Shangdong Sanhe Toy компанияси ҳамкорлик қилади, деб хабар берди Инвестициялар бўйича давлат қўмитаси матбуот хизмати "Газета.uz"га.
Ўзбекистон томони вакиллари Xитой ишлаб чиқарувчи билан ўрнатилган ҳамкорлик нафақат молиявий жиҳатдан, балки замонавий бошқарув усулларини, сифат ва бренд стандартларини жал этиш масаласида муҳимлигини таъкидлади.
Shangdong Sanhe Toy 2005 йилда ташкил этилган бўлиб, АҚШ, Канада, Европа Иттифоқи давлатлари ва бошқа мамлакатларга юмшоқ ва электрли ўйинчоқлар етказиб беради.