Газета катта ҳайъат тайинланганлиги прокурор судга келиш ҳақида чақирув ёзиб бериш ва гувоҳларни кўрсатма бериш учун чақириш ниятида эканини англатишини таъкидламоқда. Бу - тергов жиддий бўлиши ва узоққа чўзиладиган тус олишини ҳам билдиради, деб ёзади газета. Бу - прокурор президент Дональд Трамп атрофидаги шахсларга айблов тақдим этишини англатмайди, деб таъкидламоқда CNBC телекомпанияси.
Махсус прокурор Роберт Мюллер ўтган йилги сайловолди кампанияси давомида Трампнинг мухолифи Хиллари Клинтон мавқеини тушириш мақсадида Дональд Трамп штабининг Кремль билан тил бириктирганлиги бўлган-бўлмаганини, агар бу ҳолат мавжуд бўлса, Трамп маъмурияти бундай келишув изларини йўқотишга уринган-уринмаганлигини аниқламоқда
Оқ уй матбуот котиби Сара Хакаби Сандерс баёнот берди. Унда айтилишича, Президент Трамп маъмурияти Катта ҳайъат тайинлангани ҳақида ҳеч нарса билмаган. У Оқ уй тергов жараёнини тезлаштирадиган ҳар қандай қарорни қўллашини такрорлади. Оқ уй вакили Дональд Трамп тергов билантўла ҳамкорлик қилаётганини ҳам таъкидлади.
CNN телекомпанияси хабарига кўра, Мюллер Дональд Трамп командасининг молиявий муносабатлари ва президентнинг Россия билан муносабатларига қизиқиб қолган.
Дональд Трамп "Нью-Йорк таймс" газетасига берган интервьюсида бу - Мюллер олиб бораётган терговда “қизил чизиқ” бўлишини баён қилди.