Экстремистларнинг Раккадаги олд истеҳкомини озод қилиш бўйича кампания ҳозирча давом этаётган бир пайтда, ИД жангарилари шаҳарни тарк этишдан аввал, қулликка олинган язид аёллари ва қизларини сотишга уринаётганлиги хабар қилинаяпти, дейилади БМТнинг Суриядаги тергов бўйича комиссияси баёнотида.
«Геноцид давом этмоқда ва давлатларнинг жиноятни бартараф этиш ҳамда ушбу қилмиш учун жавобгарликка тортиш мажбуриятлари борлигига қарамай, у кўп жиҳатдан эътиборсиз қолдирилмоқда», —деб баёнот беради комиссия.
2014 йил августда ИД Ироқнинг шимолий-шарқ қисмидаги Синжар шаҳрини қўлга киритганда, бу гуруҳ минглаб язидларни асирга олган, уларнинг кўпчилиги бедарак йўқолган деб ҳисобланади
Бу шаҳар 2015 йил охирида ИДдан озод қилинган эди. Ўшандан бери у ерда язидлар оммавий дафн этилган бир неча ўнлаб жойлар аниқланган. ИД томонидан муртадлик сифатида қараладиган камдан-кам учрайдиган динга эътиқод қилувчи бу этник озчиликнинг қанча вакиллари шу яқинда жойлашган Ракка шаҳрига олиб кетилганлиги номаълум.