Гап бу ерда 42-ёшли Баҳром Холматов ҳақида бормоқда. У шу йилнинг 10 апрел куни Ҳўжандда илдизлари коресларга тааллуқли бўлган протестантлар черкови текширилганидан сўнг ҳибсга олинган эди. Ўшанда ҳуқуқ-тартибот идораларининг расмий хабарида эркак экстремизм гумони билан ҳибсга олингани маълум қилинган эди.
Христиан йўналишидаги веб-сайтда тарқатилган хабарга кўра, 10 апрел куни ҳуқуқ-тартибот идораларининг ходимлари кутилмаганда черковга кириб келишган ва бу ерга ташриф художўйларни ушлашган. Черков ва черковга ташриф буюрувчи Баҳром Холматовнинг уйидан диний адабиёт топилган. Бу адабиётлар экспертлар томонидан «экстремистик руҳдаги» адабиёт сифатида баҳоланди.
6 август куни суд вакиллари ва маҳкумнинг қариндошлари ўртасида мулоқот ўрнатиш мақсадидаги барча уринишлар беҳуда кетди. Бундан аввал «Форум-18» сайти таъқиб қилинишларидан қўрқиб Холматовнинг қариндошлари ёки корейс черкови художўйлари бу масала юзасидан суҳбатлашишни истамаётганлари тўғрисида хабар тарқатган эди.
Тожикистон расмийларининг айтишича, христианларнинг «Сонмин Сонбогим» маркази расман рўйхатдан ўтмаган. Шу сабабли мамлакат ҳудудларида қонунга зид равишда фаолият кўрсатиб келмоқда. Бироқ корейс черковига тегишли бўлган сайтнинг ёзишича, «Сонмин Сонбогим» маркази 2009 йилда Тожикистон дин ишлари қўмитаси томонидан расман рўйҳатга олинган.