Амалий учрашув чоғида Назарбоев ҳукумат яхши натижаларга эришиш йўлида “тинимсиз” ишлаши лозимлигини айтди. Чунки Қозоғистон иқтисодиётига Ғарбнинг Россияга қарши янги жазо чоралари таъсир кўрсатиши мумкин экан.
- Мен, ҳукумат тинисиз ишлаяпти, деб ўйлайман. Мен барчага мурожаат қилиб, йилни яхши кўрсаткичлар билан якунлаш учун йил охирига қадар уюшқоқлик билан ишлашимиз лозимлигини айтмоқчиман. Хатарлар мавжуд. Бизнинг энергия қувватларимизнинг, хом-ашйё маҳсулотларимизнинг нархлари тебраниб турибди. Ғарбнинг Россияга нисбатан санкциялари ҳам таъсир кўрсатиши мумкин. Буларни ҳаммасини ҳисобга олишимиз керак, - деган Назарбоев. Унинг бу сўзлари расмий сайтда келтирилган.
Россия ва унинг компанияларига қарши янги иқтисодий жазо чоралари тўғрисидаги қонун АҚШ президенти Дональд Трамп томонидан 2 август куни имзоланди. Айнан ўша куни Қозоғистонда долларнинг курси 343 тенгегача кўтарилди.