Ссылки доступа

Петербургда журналист Али Ферузни қўллаб-қувватловчи пикет ўтказилди


Турли партия ва ҳаракатларнинг ўнлаб фаоллари, журналистлар ва фуқаролик жамияти фаоллари Нева проспектида узун занжир ҳосил қилишди. Улар Москвадаги Басман суди томонидан Ўзбекистонга депортация қилиниши керак бўлган Али Ферузни қўллаб-қувватлашди.

Анархист Елена Шендеранинг айтишича, журналистни Ўзбекистонга юбориш керак эмас, чунки Ўзбекистонга юбориш дегани инсонни ўлимга юборишни англатади. Унинг фикрича, журналистга ғарб мамлакатларининг биридан бошпана бериш керак.

Россия социалистик Ҳаракат фаоли Иван Овсянников сиёсий таъқиб остида қоладиган инсонни ўз юртига юборилишига кескин қарши чиқди. Унинг фикрича, Али Ферузни муҳожир сифатида мамлакатдан чиқариб юбориш керак эмас, чунки бу каби чоралар Россияда нафақат ишчилар, балки маълумотли инсонлар ҳам камситилаётганидан далолат беради.

Бундан ташқари, Иван Овсянниковнинг айтишича, Али Феруз очиқчасига бесоқолбоз бўлгани сабаб, тадбирда ЛГБТ (лесбиянка, геей, бисексуал ватрансгендер)ларнинг вакиллари ҳам иштирок этди. Нева проспектидан ўтиб кетаётганларнинг кўпчилиги ўзбек журналистини қўллаб-қувватловчи плакатларга ҳайриҳоҳликларини билдириб ўтишди.

Али Феруз Россияга қонунан келган ва бу ерда 6 йилдан кўпроқ истиқомат қилган. Айни дамда у Хорижий фуқароларни вақтинча ушлаб туриш марказида истиқомат қилмоқда.

Басман судининг қарорига нисбатан апелляция суди 7 августда ўтиши керак эди ва 8 августга қолдирилди.

XS
SM
MD
LG