Ссылки доступа

ЕККУ президенттик шайлоого 350дөн ашуун байкоочу жөнөтөт


Европа коопсуздук жана кызматташтык уюмунун демократия институттары жана адам укуктары боюнча бюросу Кыргызстандагы 15-октябрда өтө турган президенттик шайлоого 350 кыска мөөнөттүү жана 24 узак мөөнөттүү байкоочуларын жөнөтөт. Бул тууралуу аталган уюмдун Бишкектеги кеңсесинен кабарлашты.

ЕККУнун курамына кирген өлкөлөрдөн келген байкоочулар бүткүл өлкө аймагында шайлоо процессине көз салат. Алар ошондой эле шайлоо өнөктүгүн массалык маалымат каражаттарында чагылдырууга да мониторинг жасайт.

Буга чейин Бишкекте ЕККУнун борбору иш алып барчу. Кыргызстан бийлигинин өтүнүчү менен анын макамы майдын башынан тарта программалык кеңсе катары өзгөртүлгөн.

XS
SM
MD
LG