Шу кунга қадар ГФР ҳукумати Афғонистондаги хавфсизлик билан боғлиқ шароитни қониқарли деб баҳолаб келган эди. «Хавфсиз» деб номланган мамлакатлар рўйхатига Албания, Македония, Черногория ва Сербия ҳам кирарди. Бу мамлакатлардан келган бошпана қидирувчиларни ватанларига қайтариб юборишди.
Германия ҳукуматининг режаларида 10 мингга яқин афғонларни депортация қилиш бор эди. Бундай қарор ўтган йил ноябрида қабул қилинган эди. Май ойида Қобулда содир этилган террорчилик ҳаракатидан кейин (камида 80 киши қурбон бўлган) Афғонистондаги хавфсизлик даражасини баҳолашни қайта кўриб чиқишди.
2016 йилда Германия Афғонистонга 27 нафар бошпана сўровчини, 2015 йилда фақат 9 нафарини қайтарган эди. Ҳозирги вақтда ГФР ҳудудида тахминан 250 минг афғонистонлик бор. Бу Афғонистондан чиқиб кетганлар умумий сонининг 5 фоизи атрофида бўлган миқдорни ташкил қилади.