Тожикистонлик 100дан ортиқ муҳожир Калининградда футбол бўйича 2018 йилги жаҳон чемпионати иншоатларидан бирини қуришда иштирок этишмоқда.
Тожикистонлик муҳожир Саид Хакимов, 8 август куни иш берувчилар ўтган ҳафта сўнгги беш ойлик маошларини бергани ҳақида маълум қилди. 2018 йилги Жаҳон чемпионати иншоатларида мехнат қилаётган муҳожирларнинг ўртача ойлик маоши тахминан 30 минг рубл ($500)ни ташкил қилади. Март ойидан июлгача бўлган муддатда Тожикистон ва Ўзбекистондан келган ишчилар пешона тери билан топган пулларини олишмади. Шундан сўнг улар иш ташладилар.
Стадион қурилишини амалга ошираётган бош пудратчи «Крокус Интернэшнл» АЖ муҳожирларга бундан кейин ўз вақтида маош берилишига ваъда қилди.
Ҳакимовнинг айтишича, маошларнинг кечиктирилиши юзасидан тушунтириш берган компания стадион қурилишига давлат бюджетидан ўз вақтида маблағ тушурилмагани билан изоҳлади.