- Биз очликни тугатдик. У бизга ҳеч қандай натижа келтирмади. МСК Текебаевни давлат тили бўйича имтиҳон топширишга қўймади. Энди биз бошқа чоралар кўрамиз.
31 июль куни бошланган очлик эълон қилиш ҳаракатида беш киши қатнашди. Очлик эълон қилиш ҳаракати «Ата Мекен» партиясининг Бишкекдаги штабида бўлиб ўтди. Кейинроқ уларга Ўмурбек Текебаевнинг Жалолобод вилоятининг Бозорқўрғон туманидаги 5 нафар тарафдори қўшилди.
10 август куни МСК ҚР президентлигига номзодини қўйиш ниятидаги ҳаммага мажбурий бўлган давлат тили бўйича тестдан ўтиш учун «Ата Мекен» партияси етакчисига шароит яратиб беришни рад этди. Ўмурбек Текебаев 18 июль куни давлат раҳбари лавозимига ўзини ўзи илгари суриш учун ариза берганди.
Айни пайтда, Бишкекнинг Первомай туманида Ўмурбек Текебаев ва мамлакатнинг Кореядаги собиқ элчиси Дуйшенқул Чўтанов устидан суд жараёни давом этмоқда. Уларни коррупцияда айблашмоқда. Прокурор Текебаев учун 10 йил ва Чўтанов учун 8 йил қамоқ жазоси сўради.