"Баъди баста шудани бонк ҳамаи амволи манқул ва ғайриманқули бонк, инчунин маблағҳои суратҳисобҳои мо дар ихтиёри давлат гузошта шуд. Ҳафт сол гузашт, вале то ҳол наметавонем пулҳоямонро баргардонем", - мегӯяд соҳибкор.
Соли 2010 Бонки марказии Ӯзбекистон иҷозатномаи фаъолияти бонки хусусии "Алп Жамол Бонк"-ро барои вайрон кардани қонун бозхонд кард. Баъди ин раиси бонк Муҳиддин Асомиддинов аз Ӯзбекистон хориҷ шуд.
Ба гуфтаи Бонки марказии Ӯзбекистон, замони қатъи фаъолият дороии бонк 118 миллиард сӯм ё тақрибан 67 миллион долларро ташкил медод. Шумори муштариҳо ба 115 ҳазор мерасид.
Ба гуфтаи як соҳибкори дигар пулҳои наздик ба 3 ҳазор муштарӣ ба ихтиёри давлат супорида шудаанд. Соҳибкорон мегӯянд, Бонки марказии Ӯзбекистон бо қарори додгоҳ ин маблағҳоро ба давлат додааст.