Сайтда "Пусть говорят" кўрсатувининг собиқ бошловчиси Биринчи каналнинг барча ходимлари ва бош директор Константин Эрнстга 25 йиллик биргаликдаги меҳнатлари учун миннадорчилик билдирган.
Бундан аввал "Коммерсант"га берган интервьюсида Малахов биринчи каналдан кетишини мустақил қарор қабул қилиш, жумладан дастур қандай бўлишини ўзи белгилаши билан изоҳлаган эди. Малаховнинг айтишича, буйруқларни бажарадиган аскар-инсон бўлиш жонига тегиб кетган. Малаховнинг қўшимча қилишича, Биринчи каналда жонли эфир вақтида айрим долзарб масалаларни муҳокама қилишга имконият беришмаган.
Андрей Малахов Биринчи канални тарк этиши ҳақидаги хабарлар июль ойи бошларида пайдо бўлди. Бошловчининг ўзи ҳам, телеканал раҳбарияти ҳам бу хабарларни расман изоҳлашмади.